OCLC, INC. TAUĀKĪ TŪMATAITINGA

Whakahōu whakamutunga: 1 Mahuru 2021

KIA MŌHIO KO TĒNEI WĀHANGA O TE TAUĀKĪ E HĀNGAI ANA KI TE OCLC ME ANA HUA Ā-TUKUTUKU, RATONGA HOKI. TIROHIA I RARO, PĀWHIRI RĀNEI KI KONEI MŌ ĒTAHI ATU MŌHIOHIO E PĀ ANA KI NGĀ TIKANGA TŪMATAITINGA E PĀ ANA KI NGĀ RATONGA E TAURIMATIA E WHAKARATOA ANA E NGĀ KIRITAKI WHAKANŌHANGA OCLC.

He rōpū mahitahi ao whānui a OCLC e pūmau ana ki te whakarite kia tino wātea mai, ā, kia whaitake ngā mōhiohio ki ngā tāngata puta noa i te ao, me te whakaiti i ngā utu mō ō mātou whakanōhanga mema ("Ngā Kiritaki" a OCLC). Kei te pūmau a OCLC, Inc. me ana hoa kamupene o te ao, tae atu ki teOCLC BV, OCLC (UK) Ltd., OCLC GmbH, OCLC AG me OCLC S.r.l. (huihui katoa ko "OCLC", ko "mātou" rānei) ki te pare i tō tūmataitinga me te whakatenatena i a koe kia pānuitia tēnei Pānui Tauākī ("Tauākī") kia mārama ai koe ki ā mātou tikanga whakahaere raraunga.

E hāngai ana tēnei Tauākī ki ngā mōhiohio ka riro mai i a mātou mai i ngā tāngata, ā, mō tāngata e pāhekoheko tōtika ana ki te OCLC, tae atu ki ā mātou paetukutuku, hua, papatono me ngā ratonga (huihui katoa ko "Ngā Ratonga"), tētahi atu mea rānei. Kāore i te hāngai ki ngā kaimahi OCLC, ngā mōhiohio ka kohia e mātou mā ngā rangahau, ngā mōhiohio rānei ka kohia e ā mātou kiritaki whakanōhanga mā ngā hua me ngā ratonga ā-ohaurunga, e taurimatia ana rānei. Mō ētahi atu mōhiohio e pā ana ki ngā hua me ngā ratonga e taurimatia na e OCLC, tirohiaNGĀ RATONGA E TAURIMATIA kei te wāhanga i raro.

I roto i te wā, ka whakahōu pea mātou i tēnei Tauākī , ā, ka whakahōu i tēnei whārangi me te whakaatu i te rā o te whakahōu whakamutunga kei runga o tēnei whārangi. Ka whakamōhiotia koe e mātou mō ngā huringa mō te āhua o tā mātou whakarite mōhoihio mā te tuku pānui ki tā mātou pae. E whakatenatena ana i a koe kia tirotiro haere me te arotake i tēnei Tauākī kia mōhio ai koe he aha ngā mōhiohio ka kohia e mātou, he pēhea tā mātou whakamahi, ā, e tiria ana ki a wai.

Kei konei mātou ki te āwhina. Mēnā he pātai āu, me whakapā mai ki [email protected].

He Pēhea Tā Mātou Kohikohi Mo`hiohio?

Ka kohia pea e mātou ngā mōhiohio mai i a ke, mōu rānei mai i ngā pūtake e whai ake:

Mai i a koe ina pāhekoheko koe me tēnei paetukutuku me ētahi atu paetukutuku ā OCLC e pōhitia ana tēnei tauākī tūmataitinga (huihui katoa ko "Ngā Paetukutuku");
Mai i a koe ko ētahi atu pāhekoheko me OCLC, me ēnei, engari kāore i te whāiti ki ēnei, ko ngā mōhohio ka tukuna e koe i a koe e pāhekoheko ana me Ngā Ratonga a OCLC, te tautoko kiritaki OCLC rānei, ina haere rānei ki t`wetahi whakangungu a OCLC, takahanga rānei (ahakoa ā-tinana, ā-mariko rānei);
Mai i tō rorohiko, pūrere, pūtirotiro tukutuku rānei, me ngā mōhiohio ka kohia e ngā āhuatanga aunoa, mā ngā hangarau rānei pērā i ngā pihikete, rangitaki tūmau tukutuku me ngā tohu tukutuku, e ai ki ngā kōrero atu anō i raro;
Mai i a koe, ō mātou whakanōhanga mema hoki/rānei ina pāhekoheko ana koe me te OCLC mā tētahi whaknōhanga, e pā ana rānei ki te mematanga OCLC, ā, mēnā he māngai koe nō tētahi o `a `mātou mema hei māngai Kaunihera OCLC ā-Rohe, Kaunihera ā-Ao rānei, te whakauru rānei ki ngā whai wāhitanga mematanga OCLC, takahanga rānei;
Mai i a koe ina p`āhekoheko koe me tā mātou pūnaha aroturuki kaitono, te tuku mōhiohio rānei ki OCLC kia taea ai te whiwhi mōhiohio mō ngā p`ōhi mahi hōu, te tuku uiui mō ngā tūranga wātea, te tono rānei mō tētahi tūranga me OCLC (kia mōhio, kāore e pā tēnei ki ngā kaimahi OCLC onāianei, e whakahaerehia ana rātou e te Pānui Pare Raraunga Kaimahi ā-roto a OCLC);
Mai pae a OCLC, a rōpū kē rānei, tae atu ki ngā pae pāpāho pāpori me ngā peti moni, ngā uiui, ngā pūhara pāpāho pāpori me ngā tāurunga whakatairanga.
Mai i ngā rōpū kē i whakamanahia e koe ki te tiri i aua mōhiohio ki a mātou;
Ki te rēhita koe, ā, ka whiwhi i Ngā Ratonga mā tētahi pūkete kaiwhakamahi a OCLC, ka whiwhi anō mātou i ngā mōhiohio ka hiahia koe kia tiria.

Ka whiwhi anō mātou i ngā mōhiohio mai i ngā pūtake rōpū kē me te whakauru mai ki ngā mōhiohio e whiwhi ana mātou mai i ngā pūtake e whakaahuahia ana i roto i tēnei Tauākī Tūmataitinga me te whakamahi mō ngā kaupapa i tāutua i raro.

He Aha Ngā Mōhiohio Ka Kohia e Mātou?

Ka kohia e OCLC ngā mōhiohio e whakaahuahia ana i raro. Ina hiahia mōhiohio mātou mai i ngā kaiwhakamahi, ko te take e hāngai ana aua mōhiohio mō tētahi kaupapa ake; engari, ko ngā mōhiohio ka tukuna mai e koe, ā, kāore i te hiahiatia, he tūao tērā. Kei a koe te tikanga mēnā ka tukuna mai e koe aua momo mōhiohio e whakaahuahia ana i raro, engari kāore pea e taea e mātou te whakarato tika i a koe, te tuku i ā mātou Ratonga katoa ki a koe, te tukatuka rānei i tō tono ina hiahia hiahia koe ki te tiri i ētahi mōhiohio ki a mātou.

Ka kohia pea e mātou ngā mōhiohio e whai ake:

Ngā Mōhiohio Whakapā, pērā i te ingoa, wāhi noho, ngā tau waea me te īm`ēra;
Ngā Mōhiohio Pūkete, pērā i te ingoakaiwhakamahi, kupuhipa, ngā tau pūkete, me ngā manakohanga;
Ngā mōhiohio, pērā i ngā whakaahua, ngā kaingākau me ētahi atu mōhiohio ka whakaurua e koe;
Ngā Mōhiohio Ngaio, pērā i te mātauranga, hītori mahi me ngā manakohanga;
Ngā Mōhiohio Tauwhitiwhiti, pērā i ngā mōhiohio kei roto i ngā tauwhitiwhiti (hei tauira, ī-mēra, waea, ā-tuhi) kei mātou me koe;
Ngā Mōhiohio i Whakaputaina e te Kaiwhakamahi, pērā i ngā whare pukapuka makau, ngā rapu i tiakina, ngā rārangi, ngā tūtohu, ngā kōrero, ngā arotake me ngā pōhi;
Ngā Mōhiohio Pūrere me te Pūtirotiro, pērā i te wāhitau KI o tō pūrere me ngā mōhiohio mō te momo pūrere me te pūtirotiro e whakamahia ana e koe. Ko ētahi o ā mātou ratonga, tae atu ki WorldCat.org, ka whakamahi anō pea i tō wāhitau KI hei whiwhi te tauwāhirohe mō te kaupapa o te tuku i Ngā Ratonga ki a koe (hei tauira, hei whakaatu i ngā tuemi ki ngā whare pukapuka paetata);
Ngā Mōhiohio Whakamahinga, pērā i ngā whārangi tukutuku ka toroa e koe, ngā ihirangi e tirotiro ana koe, me ngā ture rapu e whakamahia ana e koe;
Ngā Mōhiohio Tauwhitinga, pērā i ngā pūkete tuku nama, ngā pūkete whakamahinga, ngā utunga mō Ngā Ratonga, ngā ratonga hāngai rānei;
Ngā tauwhitinga pāpāho pāpori, pērā i te 'whai', 'paingia', pōhi ki, tauwhiti me, whakahua, tūtohu rānei ki ā mātou pāpāho pāpori, tae atu ki te Pukamata, LinkedIn, Tīhau, Pinterest, Kapoata, me Atapaki.

Ka whakakotahitia pea e mātou ngā mōhiohio mōu me ngā mōhiohoi mai i ētahi pūtake, tae atu ki ngā pūtake rōpū kē, tūmatanui hoki, pērā i ngā mōhiohio mai i te(ngā) whakanōhanga mema e pāhono atu koe, mēnā e tika ana.

Ka kohia anō pea e m`ātou ngā mōhiohio tāpiri mai i a koe, mōu hoki e pā ana ki ngā hua me ngā ratonga hāngai. Tirohia ngā hua me ngā ratonga hāngai e rārangi ana i raro mō ngā mōhiohio tāpiri.

Ki te tukuna mai e koe ngā mōhiohio whakapā whaiaro mō tētahi atu tangata, hei tauira, mō te tuku kōrero taunaki mō tētahi tono mahi, kei runga i a koe ki te whakarite kei te mōhio te tangata, ā, kei te whakaae ia kia tukuna mai e koe ana mōhiohio whakapā.

He Pēhea Tā Mātou Whakamahi i Ō Mōhiohio?

Ka whakamahia pea e mātou ō mōhiohio mā ngā āhuatanga maha, tae atu ki:

Te tuku i Ngā Ratonga ki a koe
Te aromātai, whakapai ake, tautoko me te whakahōu i ā mātou Ratonga
Te tauwhitiwhiti me koe mō ā mātou Ratonga
Te tukatuka i tō tono mahi (hei tauira, te taurite i ō pūkenga, wheako, me ngā mātauranga me ngā tūranga whāiti e tukuna ana e OCLC)
Te tauwhitiwhiti me koe mō te tukanga rapu kaimahi me te tuku mahi, hei whakatū me te whakahaere uiui me ngā aromatawai
Te whakahaere i te tirotiro i ō rātau āhua, e hiahiatia ana e te ture, i raro i te ture hāngai rānei.
Te whakarite uiui, whakatairanga, whakataetae, takahanga, mahinga hoki
Te whakarite i tētahi wānanga tuwhera, arotake rānei
Ngā kaupapa mākete
Te rēhita i tētahi pūkete me te whakatūturu i ngā kaiwhakamahi o ā mātou pūnaha
Te whakahaere i ā mātou paetukutuku me te whakarite ake i ngā ihirangi
Te tuku whakangungu, ētahi atu rauemi mōhiohio
Te manatoko i te whai wāhi ki ngā akoranga wahkangungu
Te whakahohe i a koe ki te tauwhitiwhiti me ētahi whakanōhanga mema
Te ū ki ngā here ture, te tautiaki i ngā pūkete ā-roto, me te whakatau i ngā wenewene
Te ōtita i te whakamahinga o Ngā Ratonga
Te tiaki i ō motika me ngā rawa me ngā motika me ngā rawa a ētahi atu kaiwhakamahi

I ētahi āhuatanga, ka whakakotahitia pea e OCLC ngā raraunga whaiaro kua tukuna mai e koe me ngā mōhiohio ka kohia e mātou mā ā mātou paetukutuku, me ngā mōhiohio ka kohia e mātou mā ētahi atu pūtake pērā ai ngā pae pāpāho pāpori rōpū kē. Ka tukatukahia e mātou ēnei raraunga whakahōu, whakaroha, tātari hoki i ā mātou pūkete tauhokohoko onāianei, te tautuhi kiriata hōu, te waihanga pānui hokohoko hāngai ake, ngā wheako paetukutuku rānei me te tuku īmēra tauhokohoko.

Ka whakamahia pea e mātou ngā tukanga aunoa hei āwhina kia hāngai ake ngā pānui hokohoko ki a koe.

Ka whakamahia anō pea e mātou ō mōhiohio i roto i tētahi āhuatanga hunaingoa, hiato rānei.

Pūtake Ture mō te Tukatuka

Ka whakamahia e mātou ēnei mōhiiohio whaiaro mō ngā pānga tika i tāutua i runga ake, hei whakahaere i ngā kirimana ka whakauru me koe, me ā mātou kiritaki whakanōhanga rānei, ā, ki tērā e hiahiatia ana e te ture. Ki te whakamahia e mātou te whakaaetanga hei pūtake ture mō te tukatuka i ō mōhiohio, ka tono whakaaetanga wehe kē mō taua whakamahinga. Ki te mea ka tāutua e OCLC he kaupapa hōu i waho o tērā kua kīia i runga ake, ka whakahōutia e mātou tēnei kaupapahere me te tuku i tētahi atu whakamōhiotanga e hiahiatia ana e te ture.

Ka Tiria Ō Mōhiohio Ki a Wai?

Ka tiria pea e mātou ō mōhiohio ki ēnei momo kaiwhiwhi e whai ake:

Ngā kaituku ratonga rōpū kē. Ka tuku kirimana a OCLC ki ngā kaituku ratonga rōpū kē me ngā tāngata hei mahi i ngā mahi mā mātou. Ko ētahi o ngā tauira o aua kaituku ratonga rōpū kē, kāore e whāiti ana ki ēnei anake, ko ngā kaiwhakahaere taiopenga, kaihoko e takawaenga ana i ngā uiui, hui tuihono, me ngā tauwhitiwhiti mākete īmēra, pūtukatuka utunga me ngā kaiwhakarato tātaritanga. Ka uru aua momo rōpū ki ō mōhiohio ina hiahiatia ana hei whakaoti i ā rātou mahi;
Ngā Whakahaere Pātui. Mēnā kei te mahi tahi me tētahi pātui kua tohua mō tētahi takahanga, ka tiria e mātou ngā mōhiohio rēhita me taua pātui mahi tahi. Ka tiria anō e mātou ngā mōhiohio rēhita me ngā whakahaere i tuku mai i ngā ihirangi akoranga, hui tuihono rānei. Kua tautuhia ēnei whakahaere i roto i te putumōhio akoranga;
Ngā pūhara pāpāho pāpori. Ka whakamahia e ētahi o Ngā Ratonga te taumahinga pāpāho pāpori kua kōmitimitihia e taea ai e koe te tiri ngātahi i ētahi ihirangi ki ngā pūhara pāpāho pāpori rerekē. Ina whakamahia e koe tētahi Ratonga e tuku ana i te taumahinga pāpāho pāpori kua kōmitimitihia, ka tiria pea ngā mōhiohio me aua pūahara pāpāpho pāpori, ahakoa mēnā he kaiwhakamahi rēhita koe nō tētahi pūhara pāpāho pāpori, kāore rānei. Tirohia ngā tauākī tūmataitinga pūhara pāpāho pāpori rerekē me ngā ture ratonga mōngā mōhiohio tāpiri;
E pā ana ki ngā mematanga. Ka whakaatuna pea e mātou ētahi mōhiohio mō ngā tāngata e mahitahi ana me ngā whakanōhanga mema OCLC ki ētahi atu whakanōhanga mema, mema kaunihera ā-ao rānei ki te whakatutuki i ō mātou herenga e ai ki te mematanga OCLC me te tuku i ā mātou mema OCLC kia tino whai hua ki te mematanga;
E pā ana ki ngā kaitono mahi. Ka tiria pea e mātou ō mōhiohio whaiaro me ngā kaimahi rangatōpū OCLC me ngā kaimahi pūmanawa tangata āpiti ina hiahiatia ana, tae atu ki ngā rōpū kē e mahi ana mā OCLC, otirā rātau e (i) whakahaere ana i ngā mahi rapu kaimahi, pērā i te tirotiro āhua , whakaritenga uiui, aroturuki tono, me te tātari mahi; me (ii) tuku i ngā ratonga IT, perā i te pūtaurima me ngā kaiwhakarato kapua;
Te tautuku ki ngā herenga ā-ture. Ka whakaatuna pea e mātou ō mōhiohio, kei a mātou te tikanga me te tuku pānui, ki te ture, ki ētahi atu mana tūmatanui rānei kia ū ai ki tētahi ture, waeture, whakatewhatewha, tukanga ture whaimana, ētahi atu tono ōrite rānei;
Te tiaki i te OCLC me ētahi atu. Ka whakaatuna pea e mātou ō mōhiohio mō te kimi me te ārai tinihanga, hei ūruhi, te whakaū rānei i ā mātou Ture Whakamahi me ētahi atu whakaaetanga, te tiaki rānei i ngā motika, rawa me te haumaru o OLCL, a koe, ētahi atu rānei;
Ngā tauwhitinga pakihi. Ki te tūpono ka hanumi, tangohanga, pekerapu, whakahou i te whakahaere, whakakotahi, hoko rawa atu, tētahi atu tauwhitinga pakihi rānei, ka whakaatuna pea, ka whakawhitia pea e OCLC ō mōhiohio;
Ngā hinonga hoa a OCLC. Ka tiria pea e mātou ō mōhiohio i waenga i ngā kamupene a OCLC mō ngā kaupapa e rārangi ana i roto;
Te iwi tūmatanui me ētahi atu mema. Ka tukuna koe e mātou ki te pōhi ki ngā wāhi tūmatanui o ā mātou Ratonga, pērā i a WorldCat.org me te Pokapū Hapori o OCLC. Me mōhio koe ko ngā mōhiohio ka pōhitia e koe ki tētahi wānanga tūmatanui, pērā i ngā ihirangi i WorldCat.org, te Pokapū Hapori rānei, ka noho wātea ki te iwi whānui i te wā t`ūturu. Ka hiahia anō pea koe ki te tuku tūmatanui i ētahi wāhanga o ō mōhiohio kōtaha, kia tūmataiti rānei mā ngā taumahinga "Taku Kōtaha"me Ngā Ratonga tauwhiāiti. Ko ngā wāhanga o tō kōtaka ka tukuna tūmatanuitia e koe ka wātea ki ētahi atu kaiwhakamahi o taua Ratonga (hei tauira, ngā kaiwhakamahi a WorldCat.org, WebJunction rānei); me
Ngā tari whare pukapuka kāwanatanga. Mō ētahi Ratonga OCLC (hei tauira, WebJunction), ka tiria e mātou ngā mōhiohio r`ēhita me ngā tari whare pukapuka kāwanatanga tautoko mō ngā mātauranga haere tonu te take.

Kāore he mana o ēnei rōpū kē ki te whakamahi, te whakaatu rānei i ngā mōhiohio engari ia mēnā e hiahiatia ana ki te whakahaere ratonga mā mātou i raro i tētahi herenga kirimana, kia ū rānei ki ngā whakaritenga ture. E whakaritea ana e OCLC kia ū aua rōpū kē ki ngā ture pare raraunga hāngai me ngā waeture me te whakaae ki te whakatinana me te tautiaki i ngā whakaritenga hangarau tōtika, haumaru whakahaere tōtika hoki kia haumaru ai ō mōhiohio whaiaro.

Ngā Pihikete me Ētahi Atu Hangarau Whaiwhai

Ētahi atu mōhiohio he pēhea te whakamahi a OCLC i ngā pihikete me ētahi atu hangara whaiwhai me ngā pānui hokohoko whanonga pāwhiri ki konei.

Ngā Hono ā-Waho

Kei roto i Ngā Paetukutuku ko ngā noho ki ētahi atu pae. Ehara i te mea e tohu ana aua hono kei te tautoko, whakaoati rānei a OCLC i ngā hua, ngā mōhiohio, ngā tūtohutanga rānei i tukuna e tētahi rōpū kē. Me mōhio kāore i a OCLC te kawenga mō ngā tikanga tūmataitinga a aua pae, taupānga rānei a rōpū kē. E whakatītina ana mātou i a koe kia pānuitia nga tauākī tūmataitinga o tēnā pae, o tēnā pae, taupānga rānei e kohikohi ana i ō mōhiohio. E hāngai ana tēnei Tauākī ki ngā mōhiohio anake i kohia mā Ngā Ratonga OCLC.

Ngā monomai pāpori rōpū kē.

Kei roto pea i ā mātou Ratonga ko ngā monomai rōpū kē, ā, ina whakamahia aua monomai ka kohia ngā raraunga e OCLC, ā, ko te mutunga atu anō pea ko tāhopu a ngā rōpū kē hāngai i ō taunekenekenga. Hei tauira, ki te tiria e koe ā mātou pōhi, tērā pea nā te monomai rōpū kē ka kohia pea e te rōpū ngā mōhiohio mō tō uru ki ā mātou Ratonga.

Haumarutanga

Kua whai mātou i ētahi upane tōtika hei whakarite i te parenga o ō mōhiohio, me te ārai i te ngaro, mau kino, whakarerekē ranei o aua mōhiohio. Ka whakamahia e mātou ngā hātepe haumarutanga tōtika ki ngā urunga pokanoa, takahi ture rānei, te tukatuka, whakaatu, whakarerekē, whakakore, ngaro ohorere ranei o ō raraunga whaiaro. Ka whakatepea e mātou te urunga me te whakamahinga o ō raraunga whaiaro ki ngā tāngata whaimana me ngā rōpū kē e whirinakitia ana e tino whaitake ana kia mōhio ki ngā mōhiohio hei whakahaere i ā mātou mahinga pakihi, ā, e herea ana e ngā herenga matatapu.

Kei a koe anō te kawenga mō te haumarutanga o tō pūkete. Hei tauira, he wāhanga tō kupuhipa nō tā mātou pūnaha haumarutanga, ā, kei runga i a koe ki te pare. Kaua rawa e tiri i tō kupuhipa me tētahi rōpū kē. Ki te riro tō kupuhipa, me wawe tonu te whakarerekē ka whakapā mai.

Te Pupuri i Ngā Raraunga

Ka puritia e mātou ō mōhiohio ki tērā e hiahiatia ana hei whakatutuki i ngā kaupapa i kohia ai nga mōhiohio; mō te wā e tika ana hei whakahaere i te kirimana i waenga i a koe me mātou, mēnā e tika ana; me te ū ki ngā ture hāngai, ngā herenga ture rānei hei pupuri i ngā raraunga. Hei tauira, ina hiahiatia ana i raro i te ture mō te tāke, tauhokohoko me ngā whakaritenga rangatōpū, whakaaetanga, wenewene rānei.

Ina mutu ana te hiahia ki ō mōhiohio mō ā mātou kaupapa, herenga ture ranei, ka whakakore, muku, ūkui rānei i aua mōhiohio, ka whakawhitia rānei ki tētahi āhua ingoamuna.

Ngā Tamariki

E mārama ana mātou ki te hiranga o ngā whakatūpato hei pare i te tūmataitinga me te haumaru o ngā tamariki e whakamahi ana i ā mātou Ratonga. Kāore i te hāngai ā mātou Ratonga mō ngā tamariki i raro i te 13 tau.

Ki te rongo mātou kua kohia e mātou ngā mōhiohio a tētahi tamaiti i raro i te 13 tau, tētahi pakeke iti rawa ōrite rānei e ai ki tētahi takiwā ture, ka mukua e mātou aua mōhiohio mai i a mātou pūkete. Me whakamōhio mai i a mātou mēnā i kohia e mātou ngā mōhiohio o tētahi tamaiti i raro i te 13 tau kia pai ai tā mātou muku i ngā mōhiohio.

Ō kōwhiringa

Me Pēhea te Putaatu i Ngā Whakatairanga Tauhokohoko

Hei putaatu i te whwihi i ngā karere īmēra whakatairanga mai i a mātou, me īmēra mai i [email protected] me tō tono.

Ngā Motika Urunga ki Ngā Mōhiohio

Mēnā he pātai āu mō ngā mōhiohio i kohia mōu, kei te hiahia mātou ki te whakahōu, te whakarerekē rānei i ō mōhiohio, kei te māharahara rānei kei te hē ō mōhiohio, kāore i te oti rānei, me whakapā atu ki [email protected]. Ka whakautu mātou ki ngā tono tōtika.

Kia mōhio, ko ngā mōhiohio i pōhi tūmatanuitia e koe, pērā i ngā kōrero mō te Pokapū Hapori o OCLC, ka wātea tūmatanui tonu pea ahakoa tonu ka whakakorehia tō pūkete. I tua atu i tēnei, ko ngā pae tūmatanui, pērā i te Pokapū Hapori, kua taupūtia e ngā pūkaha rapu, `ā, ka whakaputaina pea hei otinga rapu. Kāore e whakahaerehia e OCLC ngā tikanga a ngā pūkaha rapu rōpū kē.

California Consumer Privacy Act o te 2018 me te California Privacy Rights Act o te 2020

Kāore te California Consumer Privacy Act o te 2018 (“CCPA”) me te California Privacy Rights Act of 2020 (“CPRA”) i te pā ki te OCLC. Ehara a OCLC i te pakihi, i te kaituku ratonga rānei (e ai ki ngā whakamāramatanga o aua kupu e te CCPA me te CPRA). Ko OCLC, Inc tētahi rōpū kore huamoni, ā, karekau ngā kaiwhaipānga, ētahi atu kaipupuri rānei. Kāore ōna rōpū tāpiri i te whakahaere pakihi ki California, te tū rānei hei kaituku ratonga o tētahi pakihi.

Ngā Kaiwhakamahi Rōpū

He whakahaere ā-ao a OCLC, ā, ka whakawhitia pea, ka whakamahi, tukatuka hoki i ō mōhiohio whaiaro i roto i ngā whenua o te whenua e noho ana koe, tae atu ki Te Hononga o Amerika me ētahi atu whenua e mahi ana ngā kamupene hoa a OCLC.

Mēnā ka whakawhitia ngā mōhiohio mai i roto o te Rohe Ōhanga o Uropi ("EEA"), a Piritana Nui ("UK") rānei ki tētahi takiwā ture o te EEA/UK, he Whiti Kirimana Arowhānui ā OCLC (tae atu ki Ngā Whiti Kirimana Arowhānui, e hāngai ana, e whakaaetia ana hoki e te Hekeretaeri o te Kāwanatanga o UK) hei whakarite kei aua mōhiohio whaiaro ko ngā whakamarutanga i raro i te Uniana o Uropi ("EU")/ UK me etahi atu ture parenga raraunga o ngā whenua o te EEA. Me whakapā mai mēnā kei te hiahia koe ki tētahi tārua o Ngā Whiti Kirimana Paerewa a OCLC.

E hāngai anō ngā maru me ngā motika e whai ake ki te kohinga, whakamahinga me te whakaatuna (Tukatukatanga) o Ngā Raraunga Whaiaro mai i te EEA/UK. Kua whakamāramahia ngā kupu pūmatua i roto i te Wāhanga Motika EU/UK i raro e ai ki te Rekiureihana Pare Raraunga Arowhānui 2016/679 me ngā ture o UK i menemanatia, i manatōpūtia ki te ture o UK. Hei whakatinana i ēnei motika, me whakapā atu ki [email protected], te whakamahi rānei i ngā mōhiohio i tukuna i roto i te wāhanga whai ake i raro i "Kirimana".

Ō Motika Tūmataitinga o EU/UK

Hāunga ētahi aweretanga me ngā whakatepenga, e whai ake nei ko ngā motika o NGgā Kaupapa Raraunga i te EU/UK:

Urunga

Kei a koe te motika ki te whiwhi whakaūnga mai i a mātou mēnā kei te Tukatukahia ō Raraunga WHaiaro, ētahi mōhiohio mō te Tukatukanga me tētahi tārua o ō Raraunga Whaiaro.

Whakatikatanga

Kei a koe te motika ki te tono kia whakatikahia Ngā Raraunga Whaiaro hē me te whakaoti i ngā raraunga kāore i oti.

Whakahē

Kei e koe te motika, ina Tukatukahia Ngā Raraunga Whaiaro e mātou mō ngā kaupapa tika, ki te whakahē ki te Tukatukatanga o ō Raraunga WHaiaro e pā ana ki tōu ake āhuatanga, engari ia i ngā wā e tino āhei ana taua Tukatukatanga e te ture. I tua atu i tēnei, kei a koe te motika ki te whakahē ahakoa te wā ina Tukatukahia ō Raraunga Whaiaro mō ngā kaupapa tauhokohoko hāngai.

Hikawe

Ka whiwhi pea koe i Ngā Raraunga Whaiaro i tukuna mai e koe i roto i tētahi hōputu raupapa, e whakamahia noatia ana, e taea hoki e te mīhini te pānui, ā, kei a koe te motika ki te tare ki ētahi atu Pūmana Raraunga. Kei reira anake te motika mēnā i whakaaaetia e koe te Tukatukatanga, nā te kirimana rānei, ā, e whakahaere aunoatia ana te Tukatukatanga.

Whakatikitanga

Ka tono pea koe kia whakatikia te Tukatukatanga o ō Raraunga Whaiaro mēnā (i) i whakahē koe i te tōtikatanga – mō tētahi wā me manatoko e mātou tō tono; (ii) he takahi ture te Tukatukatanga, ā, e whakahē ana koe ki te mukutanga me te tono kē kia whakatikia; (iii) kua kore mātou e hiahai, engari kei te mea koe me whakatū, whakatinana, whakangungu rānei i tētahi kerēme ā-ture; (iv) te whakahē rānei ki te Tukatukatanga e ai ki ngā pānga tūmanui, tika ranei – mō tētahi wā me manatoko e mātou tō tono.

Muku

Ka tono pea koe kia mukua ō Raraunga Whaiaro mēnā kua kore e hāngai ki ngā kaupapa i kohia e mātou, i tangohia e koe tō whakaaetanga, ā, kua kore kē he kaupapa ture mō te Tukatukatanga, ka whakahē koe, ka mutu kua kore kē e whai kaupapa tika mō te Tukatukatanga, he hē a ture te Tukatukatanga, me muku rānei kia ū ai ki tētahi herenga ture.

Motika ki te tuku amuamu

Kei a koe anō te motika ki te tuku amuamu me tētahi mana whakahaere, otirā i roto i te Kāwanatanga Mema EU o te wāhi e noho ana koe, te UK rānei, te wāhi rānie i pupū ake te kaupapa o te amuamu.

Motika ki te whakahē, te tango whakaaetanga rānei

Kia mōhio mai, ki te tono mātou kia whakaae koe ki `ētahi Tukatukatanga, e āhei ana koe ki te whakahē me te tango i tō whakaaetanga ahakoa te wā me te kore pā mai o ngā pānga kino ki a koe. Kāore he pānga o te āhei o te Tukatukatanga o ō Raraunga Whaiaro i tutuki i mua i te tangohanga o tō whakaaetanga.

Whakapā

Mēnā he pātai āu e pā ana ki ā mātou kaupapahere, me whakapā atu ki [email protected] tuhi rānei ki:

OCLC, Inc.
ATTN: Legal/Privacy Officer
6565 Kilgour Place
Dublin, Ohio 43017-3395
USA

Ka taea e ngā kaiwhakamahi o EU/UK te whakapā atu ki te Āpiha Pare Raraunga i:

[email protected]

tuhi rānei ki:
OCLC, Inc.
ATTN: Data Protection Officer
6565 Kilgour Place
Dublin, Ohio 43017-3395
USA

Ngā Hua me Ngā Ratonga i Pūtaurimatia

Ki te whakamahia e koe tētahi hua, ratonga rānei a OCLC mā tētahi o ā mātou whakanōhanga mema (Ngā Kiritaki a OCLC) hei ohaurunga, ratonga i pūtaurimatia rānei ("Ngā Ratonga i Pūtaurimatia"), me tirohia e koe te tauākī tūmataitinga a tō whakanōhanga mō ētahi atu mōhiohio he pēhea te kohikohi, whakamahi, me te tiri a te whakanōhanga i ō mōhiohio.

Kia mōhio anō ka taea ā mātou hua te whakarite ake. Ka hiahia pea ia whakanōhanga mema ki te kōwhiri ko ēhea Ngā Ratonga e Pūtaurimatia (ngā wāhanga rānei) ka whakamahia, he aha ngā raraunga ka kohia, ā, he pēhea te whakamahi me te tiri i aua raraunga. Me tiro ki te tauākī tūmataitinga o tō whakanōhanga mō ngā mōhiohio hāngai ki tō whakanōhanga.

Hei kaiwhakarato ratonga ki ā mātou Kiritaki, ka whiwhi pea a OCLC i ngā mōhiohio mai i a koe, mōu rānei ina tukuna e tētahi Kiritaki e pāhekoheko an akoe i ngā ratongaki, māu rānei mā tētahi o Ngā Ratonga i Pūtaurimatia a OCLC. Ka whakamahia e mātou ēnei mōhiohio hei tuku i Ngā Ratonga i Pūtaurimatia i tonoa.

I tua atu i t`ēnei, ka tukuna mātou e ā mātou Kiritaki ki te whaiwhai i ētahi raraunga whakamahigna e pā ana ki Ngā Ratonga i Pūtaurimatia Ka kohia e mātou me te whakamahi i ēnei raraunga mō ā mātou ake kaupapa whakapai hua. Ka aroturuki anō mātou ā mātou Ratonga i Pūtaurimatia hei kimi tinihanga me ētahi atu kaupapa haumarutanga, ā, me te kaupapa o te tuhituhi i ngā whakaritenga wāmahi me ā mātou Kiritaki.

Ko ā mātou Ratonga i Pūtaurimatia: Ngā Pūnaha Whare Pukapuka Kōmitimiti, pērā i ngā momo hua a Ngā Ratonga Whakahaerenga a WorldShare (WMS), s, OLIB, LBS, and Bibliotheca; Pūnaha Whakahaerenga Tāutu, pērā i a AUTHOS me ELDAP; Ngā Hua Mino i Waenga Whare Pukapuka, pērā i a WorldShare Interlibrary Loan, Tipasa, me ILLiad; me ngā hua a Discovery, pērā i a WorldCat Local, WorldCat Discovery, me FirstSearch; me ētahi atu tūmomo Ratonga i Pūtaurimatia, pērā i a EZproxy, CONTENTdm, me Wise. He rārangi tēnei nō ngā tauira o Ngā Ratonga i Pūtaurimatia, ā, ka rerekē pea.